BOBOTIE

Verhit die oond tot 180 grade Celsius

1 sny brood

250 ml melk

2 eiers geklits

Week die brood in die melk, druk fyn en meng met die eiers

2 uie fyngesny

30 ml olyf- of kookolie

1 kg maalvleis

Braai die uie in die olyfolie. Skuif dit na die eenkant van die kastrol en braai die maalvleis saam tot gaar en los.

Geur met die volgende terwyl die maalvleis nog braai:

15 ml kerriepoeier

22.5 ml suiker

10 ml sout

2.5 ml wit peper

7.5 borrie

30 ml asyn of suurlemoensap

45 ml blatjang

125 ml pitlose rosyne (opsioneel)

8 lourier- of suurlemoenblare

Verwyder van die hitte af en roer eers bietjie maalvleis by die brood- en eiermengsel en daarna die mengsel by die maalvleis en uie.

Skep in 'n gespuite of gesmeerde oondvaste bak. Druk die lourierblare in die bobotie en bak vir 45 minute by 180 grade C.

Wenk: Werk in die resep se volgorde en dit raak een van jou vinnige resepte om voor te berei.