ROOM- EN KONDENSMELK KOEK

1 blikkie kondensmelk

500 ml room

30 ml kookolie

375 ml bruismeel

5 ml bakpoeier

1 ml sout

METODE:

Meng kondensmelk, room en kookolie in 'n mengbak.

Meng droë bestanddele en klits bietjies op 'n keer by met elektriese klitser by die vloeistofmengsel totdat daar geen klontjies meer is nie.

Skep in gespuite koekpan uitgevoer met waspapier en bak vir 25 tot 30 minute.

Versier met botterversiering.

VERSIERING

125 gram sagte botter

250 gram versiersuiker

15 ml melk

2.5 ml Vanieljegeursel

METODE:

Klits die botter tot lig en donsig met elektriese klitser.

Voeg bietjie vir bietjie versiersuiker by. Meng melk en Vanieljegeursel en klits by.

Vir die heerlikste resultaat - laat oornag staan.